ست الحبايب ياحبيبة يا اغلى من روحى ودمى
يا حنينة وكلك طيبة يارب يخليكى يا امى
طبعا بم ان دةاول بوست ليا حبيت يكون عن احلى واجمل وارق قلب فى العالم قلب امى الحبيبة مهما اكتب واكتب واكتب عمرى ماهقدر اوصف مدى تعبها معايا وخوفها عليا وانها استحملت كتير علشانى وفعلا كل أم شايفة اولادها هما حياتها كلها
الأم كلمة تعنى الكثير فهى رمز الحنان والامان والسلام والخير والعطاء والتضحية و ................... هى نعمة ربنا اعطاها ليا يجب ان احافظ عليها واصونها علشان ارد ولو جميل واحد من افضالها عليا ...............ربنا يخليكى ياامى ياست الحبايب..........يا حبيبة
18 comments:
كدا انا هعيط ...واااااااااااء
لان الام دى من كتر غلاوتها مفيش اى كلام فى العااااالم ولااشعار ولااغانى ولاحفلات ولاهدايا تقدر توفيها حقها...
الهديه اللى كل ام بتستناها كل لحظه لما تحس ان تعب السنين اللى فاتت واللى جاية مش عالفاضى وانها تجنى الثمار الطيبه من التعب دا ..
وفى النهاااااايه
بحبـــــــــ ياامــى ــــــــــك
البوست جميل ياجهاد بس المشكلة انة بيفكرنى باللمبى لما قال ست الحناياحنانا انت ...........طاخ وانتى عارفة الباقى
وعيد ام سعيد وعقبالك كدة يارب لما يعملولك عيد ام
السلام عليكم
مبروك اول بوست يا جهاد وبدايه موفقه عن اجمل شئ في حياتناالأم اللي مهما عملنا مش هنقدر نوفي حقها ويارب تستمري تكتبي حجات جميله
feelings feelings,يابنتي المشاعر دلوقت بأت بفلوس بيتنصب بيها يعني وانت سيباها كده اي حد يقرا ويستمتع. بس يالا حلو اوي انك استفتحتي بست الحبايب يا حنانا انت علشان دعوة الام والحاجات الحلوه دي ولو اني عارفه انك انت الي كلتي الجاتوه بتاع عيد الام بس يالا ..............مش ناقص غير انك ترشي شوية ميه وتشغلي قرآن...............بس بصراحه عيني هاتطلع على الصوره والوان الوان الربيع بقى عقبال املتك..........هابقى افتن عليكي عند طنط انك بتحبيها وهي مش عارفه..........سلام بقى ده انتي رغايه اوي ولا عشان ماطلعلك 6 ...7 مواهب تتعبينا بقى........امشي بقى.dina marie
nice starting ya gogo .
as we know the most beautiful flower in our life is our mothers so u must keep her in ur mind& in ur eyes&the most important in ur heart
good luck ya princess
shema
سارة....
نورتى الموقع ومبروك اول من علقتى فى موقع احاسيس ومشاعر جهاد
زى ماقولت ان الام شايفة ولادها حياتها وسبحان الله رغم تعبهم دة بيستمروا فى قلقهم علينا وتعبهم معانا ودايما بنلاقيهم جنبنا منورنا ومنورين حياتنا
يعنى من الاخر كدة احنا من غير الامهات زى عصافير من غير اجنحة
نورينى دايما بزيارتك :)
-----------
عمرو باشا.....
هههههههههه........اللمبى هو يجى اية جنب وجاهة اللمبى دة كان ناقصلة يومين وصورتة تنزل على الجنية ولية فى الجبال علامات...... جميل ان هو بيفكرك بكدة لان بحب كل افلام اللمبى
شكرا على تعليقك وان شاء الله المدونة دى تعيش لغاية ماابقى ام وولادى كمان يبقى ليهم اسهامات فيها يعنى هتعلقوا من هنا للقرن الجاى :)
-----------
اساااامة........وعليكم السلام ورحمتةوبركاتة
الله يبارك فيك فعلا انا سعيدة بتعليقك فى موقعى ودايما تشرفنى بزيارتك :)
انا حبيت ابتدى بالبوست دة لان حسيت ان السبب فى وجودى فى الحياة بالتالى وجود الموقع دة هى امى واكيد مش هنقدر نوفى حقها بس حبيت اعمل حاجة بسيطة ليها....(الجنة تحت اقدام الامهات)
.........دكتورة دينا
اية النور دة مابقاش فية مشاعر اصلا وعلى رايك لو فية بيتاجروا فيها بس انا بحاول اعبر انشالله ماحد حوش يلا بقى
واكيد طبعا انا اللى اكلت الجاتوة انتى عارفة اللى فيها يافتانة ;)
وبعدين ولا مواهب ولا حاجة دة بعض ماعندكم.........دة موقعك انتى مش محتاجة عزومة اكيد تدخلية تانى وتنورينى
بتعليقك وماتسيحيش كتير :D
----------------
........مشمشة(شيما)
نورتى المدونات كلها ومدونتى بتعليقك وكلامك اللى انتى عارفة ان انا بحبة موت
اجمل وردة فى حياتنا الام جميل تشبيهك الام بالوردة لان انا بحب الورود جدا بس المشكلة ان الوردة ليها نهاية وبتدبل على الرغم من استمرار رائحتها الرائعة لكن الام يمكن تشبيهابالنجمة فى سطوعها و بالشمس لاستمرار وجودها وفائدتها ودفئها وحتى لو غابت بنفتكرها دايما وبنفتكر فائدتها ووجودها جنبنا وحوالينا وعمرنا ماهننساها........مستنية ردك ؟؟؟؟؟؟؟
وبجد لازم تنورينى دايما فى موقعى ونتناقش فى المواضيع يا احلى مشمشة :)
اولا الف الف مبروك على البداية الجميلة ديه و اول بوست كله مشاعر في مدونة مشاعر جهاد..و بالنسبة للأم يمكن مهما ان احنا حاولنا نتخيل مقدار حبهم لينا مش هنقدر نتخيله الإ اذا بصينا للمستقبل بعد ما كل واحد فينا يتجوز و يُرزق باطفال.. مقدار حبنا ليهم دلوقتي و هم لسه مجوش اصلا كبير جدا..فتخيلي مدى حب اهلنا لينا بالرغم من احنا مقصرين في تقديرنا ليهم..عموما مبروك على البداية و منتظرين منك المزيد دايما و يا رب تفضل المدونة ديه للأبد..سلام
I Tagged You
اهلا اهلا ....نورتنى فى موقعى .... الله يبارك فيك يا شريف
وشكرا على الكلام الجميل...( دة بعض ماعندكم) وان شاء الله المدونة تفضل للابد بس المهم اننا نتناقش فى مواضيعها ونستفاد منها وتعجبكوا ان شاء الله...........شكرا على التاج :d
مدونه لذيذة مشاعر فضفاضة
عاوزين اكتر
بلانك سقراط
شكرا (دة من ذوقك )... اخجلتم تواضعنا
وان شاء الله لما تتابع الموقع يعجبك مواضيعة ونتناقش فية ونستفاد منها ........مدونتك انسانية وجميلة ..نورنى دايما بزيارتك
كيتى :)
e_stallion
ههههههههههه
انا كنت لسه هقول كده بس انت حرقتها يا معلم
على العموم كل سنه ومامتي ومامتك وكل الماماات اللى فى الدنيا طيبين وبخير :)
بصي ياجوجو مهما الورد دبل فهو لسه موجود وحتي لو دبل بيدبل في الشكل لكن في الجوهر موجود وكلمة وردة ليها جوهر كبير الواو يعني وفاء الام ووجدانها في حياتنا ،والراء يعني رومانسيتها وحنيتها ورأفتها بينا ورغبتها في العطاء بدون اي مقابل،والدال يعني دفئها وكيانها الجميل اللي بنحس بيه في حضنها،والهاء همسة حبها لينا وخوفها علينا.
شوفتي اد ايه الوردة ليها جوهر معنوي ازاي!!
مشمشة
شمس
كل سنه وانت طيب وبخير دايما.... مدونتك غريبه بس جديده وجميله
دى اول زياره ليك فى المدونه واتمنى ماتكونش اخر زياره...نورتنى
ماهو انا مش ادك يامشمشه ولا اد كلامك الكبير ده ;)
المهم اننا بنحبها :)
Hello, Kitty!
You work is very nice. Thank you. Have agood weekend
Post a Comment