ازيكم كلكم بجد وحشتونى الفتره دى ومعلش انا يمكن بتأخر شويه علشان رمضان بقى شهر العبادات وانتوا عارفين وكل سنه وانتم طيبين
احنا انهارده اليوم السابع.. عدى على رمضان سبع ايام هما مش قليلين بس مش كتار لسه فاضل تلاته وعشرين يوم منهم تلات ايام رحمه وعشره مغفره وعشره عتق من النار
ياترى انا فين دلوقتى؟؟
ربنا رحمنى برحمته الواسعه التى وسعت كل شىء ولا غضبان عليا فى حاجه ؟؟؟
كل واحد يسأل نفسه ويحاسب نفسه كل لحظه وكل يوم
طيب ياترى كل واحد فين ؟ ومنزلته ايه دلوقتى؟؟
كل شخص اكيد هيحس بنفسه ويحاول يجاهد نفسه
ولو حاجه شايفها بتضيع وقت لازم نسيبها
يعنى مثلا انا هتكلم عن نفسى
النت ...ساعات بيضيع وقت كبير خلاص يبقى ان شاء الله هحاول اقلله ولما اقعد عليه هعمل حاجه تفيدنى وتفيد اللى حواليا
التلفزيون مثلا.. هنتقى برامج معينه مفيده فى اوقات معينه
افكر فى اى حاجه اعملها فى اى وقت فاضى مفيده حتى ولو التفكير فى الخير ..التفكير فى زيارة ايتام او اورام او اساعد حد او اى حاجه
ادعى للناس بظهر الغيب
اساعد اى حد فى تعدية الشارع ..اشيل اى اذى عن الطريق
اتامل فى الكون ايه المانع واى شخص رايح اى مشوار يتامل فى كون الله سبحانه وتعالى يسبح ..يشوف السماء بدون اعمده والبحر الواسع ومليان رزق والطيور اللى بتسبح ويقول سبحان الله انا مش هطول اوى فى النقطه دى لان لسه هنزلها بوست ان شاء الله
احاسب نفسى انا زعلت مين ومين زعلنى وهقدر اصالحه وهقدر اسامحه ولا لا واحاول افكر واراجع نفسى
وكل شخص يحاول يعيد نظر فى طريقه يشوف هو ماشى فين ورايح فين وعايز ايه
والباقى فى علم الغيب بس بجد
ياترى انا فين؟؟ وصلت فين فى رمضان ؟؟ الله اعلم
ادعو من الله ان يرحمنا ويقدرنا على فعل الخير والنيه الخالصه لوجهه ويعتق رقابنا اجمعين ياااااااارب العالمين ويغفر لى ولوالدى والمؤمنين والمؤمنات والمسلمين والمسلمات الاحياء منهم والاموات ....اللهم ما اميييين
لاتنسونى بالدعاء :)
16 comments:
ايوه يا كيتي اعتقد ان ربنا رحم الناس ديه كلها و احنا منهم لان رحمة ربنا اكيد هتشمل الناس كلها في شهره الكريم بالرغم من ذنوبهم و معاصيهم و اللي بيرجوا لربنا يطلبوا منه العفو و التوبه و يستغفروه على ما اقترفوه من الذنوب و الخطايا..و فعلا لازم الواحد دايما ياخد وقفه مع نفسه و يقف يفكر و يسأل بالظبط السؤال اللي انتي سألتيه ده يا ترى انا فين هل انا ماشي في طريقي صح ؟ هل يا ترى كنت اقدر اعمل حاجة تانيه او حاجة احسن من كدا كان يمكن يكون ليها وقع تاني على حياتي؟ هل انا كدا صادق مع ربنا و مع الناس في كل اقوالي و افعالي ؟ هل انا راضي عن نفسي و عن حياتي بشكلها الحالي و لا لازم تبئ احسن من كدا ؟ كل ديه اسئله الواحد عايز يجاوب عليها علشان يدرك بالظبط هوا فين..انا حبيت بس أاكد على النقطة ديه لانها مهمة لحياة كل واحد فينا مش بس علشان اخرته بس كمان علشان دنيته اللي عايشها لان الوقفة ديه هتحدد كتير..و اخير احب اقول بعدك اللهم اغفر لنا و ارحمنا و عافنا و اعفوا عنا انك انت التواب الرحيم..آمين يا رب العالمين..سلام
جزاكي الله كل خير يا كيتي
السلام عليكم
ازيك ياكيتى
وحشااانى موووت
يارب تكونى بخير
هو احنا فعلا المفروض نحاسب نفسنا
ونعرف احنا مقصرين فى ايه ونحاول نكمله
وربنا يتقبل منا يااارب العالمين
كل سنة وانتى طيبة ياكيتى
ورمضان كريم
شريف
يااااارب اميييين
يا سلام عليك ياشريف انت قولت الاسئله كلها اللى بتحيرنى
اللهم ارحمنا برحمتك الواسعه التى وسعت كل شئ واسالك قلبا صادقا وعملا خالصا لوجهك و تعتق رقابنا من النار ..اللهم امين يارب العالمين
سلام :)
غمض عنيك :)
وجزاك الله كل خير وكتب لك جبال من الحسنات باذن الله
تحياتى لك
عاشقة الوطن
وعليكم السلام ورحمته وبركاته
انا الحمد لله بخير
وبجد انتى وحشانى وبتوحشينى كتييير :)
هى دى فعلا النقطه المهمه يارودى اللى نشغل بالنا بيها ربنا يتقبل منا ياااااارب ..نحاول نحاسب ونجاهد نفسنا علشان ربنا يتقبل منا
وانتى طيبه ياقمر
والله اكرم :)
السلام عليكم
ازيك ياكيتى
كل سنه وانتى طيبه
عندك حق والله المفروض الواحد ياخد باله من نفسه شويه عشان اخرته ولازم نعمل حاجه فى سبيل الله ويارب يتقبل اعمالنا ويتقل نيتنا فى الاعمال وتبقى خالصه لوجهه بدون رياء
اللهم احفظنا من الرياء
ربنا يكرمك
سوكا:)
وعليكم السلام
انا الحمد لله تمام..وانتى طيبه وبالف خير وسعاده وايه الزياره الجميله دى ..ده انتى نورتى المدونه
بجد الدعوه دى غاليه جدا ويااارب يتقبلها لاننا ممكن نعمل خير كتير وماتتقبلش علشان النيه مش خالصه لوجهه او علشان فيها ولو جزء من الرياااء
ياااااااارب نعوذ بك من الرياء واسالك قلبا صافيا ونيه خالصه لوجهك ..اللهم امييييين
القمحاوى :)
ويكرمك ويكتب لك جبال من الحسنات ويرحمنا جميعا ويعتق رقابنا من النار .. اللهم امين
منور :)
السلام عليكم
هييييييييييه هيييييييه الحمد لله يا كيتى فتح أخيرا والكمبيوتر ما هنجش الحمد لله
ألحق أكتب أحسن يغير رأيه ويهنج
بجد بوست حلو أوى يا كيتى وربنا يجازيك خير وأنا كنت لسه بفكر فى الكلام اللى قولتيه ده
يا ترى أحنا فين دالوقتى ؟؟؟
ونحاسب نفسنا علشان ما نلاقيش رمضان خلص وأحنا زى ما دخل علينا الشهر زى ما طلع
يارب يبارك فيكى ويتقبل منا ومنكم يارب صالح الأعمال ويرزقنا الفردوس الأعلى
تحياتى الكبيره جدا ليكى يا أوحى
الحمد لله خلصت وما هنجيش
سلاااام يا أوحى
حياة الاحلام :)
يا مرحبا يامرحبا
ما نلاقيش رمضان خلص وأحنا زى ما دخل علينا الشهر زى ما طلع
بجد هو ده الخوف الكبير والخساره الكبيره
يااااارب اميييييييين
والحمد لله ان الجهاز ماهنجش علشان اسمع تعليقك ياجميل
احلى سلام :)
كلام صح 100 فى 100
ان الواحد يقف مع نفسه ويشوف هو فين دلوقتى دا عين العقل
وكما قال سيدنا عمر بن الخطاب:
" حاسبوا انفسكم قبل ان تحاسبوا ،وزنوا اعمالكم قبل ان توزن عليكم "
كلام جميل ، جزاكى الله به خيراً
ومستنيين جديد البوستات
كلام صح 100 فى 100
ان الواحد يقف مع نفسه ويشوف هو فين دلوقتى دا عين العقل
وكما قال سيدنا عمر بن الخطاب:
" حاسبوا انفسكم قبل ان تحاسبوا ،وزنوا اعمالكم قبل ان توزن عليكم "
كلام جميل ، جزاكى الله به خيراً
ومستنيين جديد البوستات
معاذ
بجد منور المدونه
وتعليقك الحمد لله دايما بيضيف للموضوع ومفيد
حاسبوا قبل ان تحاسبوا وزنو اعمالكم قبل ان توزن عليكم
كلمات رائعه ..يارب نعمل بها
وجزاكم :)
Post a Comment