الطموح حاجه حلوه اوى بس طبعا لازم ليه تربه خصبه علشان الطموح تبقى موجوده زى الامل الدائم ...ساعات كتير الواحد بيلاقى اشياء بتكسر طموحاته وبيشوفها فعلا بتتكسر قدامه ....لازم يصبر ويتحمل ويعرف ان اكيد الحاجات دى هتعدى واكيد هيوصل بس المهم ان يكون عايز يوصل فعلا لطموحاته
كنت فاكره ان لما الشخص يحط لنفسه طموح صغيره ويحققها افضل من احط طموح كبيره واشوفها بتتكسر قدامى ....وساعتها الواحد يفكر يضحى بجزء من طموحاته او يقلل طموحاته او ييأس خالص بس مع مرور الوقت اكتشفت حاجات مهمه اوى
ان لو الواحد عايز يوصل للشمس هيوصلها ولو عايز يوصل للمكان اللى قدامه بس هيوصله
ان الواحد من غير طموحات يبقى ناقصه حاجات مهمه اوى فى حياته دى لو بقت حياه اصلا
ابسط حاجه هيفضل واقف فى نفس النقطه ويمر الزمن بيه وتاخده الحياه الروتنيه ...غير ان مش هيلاقى نفسه ودى حاجه مهمه اوى ومش هيستمتع بمتعة الانجاز
من الاخر اهم حاجه اننا نحط طموحات كبيره ونصبر عليها ونسعى اليها
الحمد لله جزء من طموحاتى اتحقق بس لما وصلت ليه حسيت ان لاقيت نفسى بس مش كلها جزء منها لازم اكمل بقيت الطموحات ولسه فاضل ليا طموحات كتير
نفسى اعلى واعلى واعلى لغاية ماالاقى نفسى كلها فى كل طموحاتى وتحقيقها بس ده صعب شويه علشان طموحاتى اعلى منى بس انا اقوى منها وهوصلها باذن الله
8 comments:
ماجدة الرومي مرة واحدة لا دا كتير بصراحة
انا حبيت احجز اول كومنت و احييكي على اختيارك لماجدة و لي عودة علشان اكمنت على الموضوع ده لانه موضوع مهم لكتير منا
يلا بيس
:) طبعا لازم يكون ماجده الرومى لانها بجد تحفه واغانيها جميله ..انت عارف اكيد
بجد ياشريف انا سعيده انك اول من علقت على البوست ده وانا مستنيه رايك فى الموضوع لان اكيد هيكون راى مفيد :)
تحياتى لك :)
هذا ما تعلمنا من رسولنا الحبيب صلى الله عليه وسلم
عندما قال
إذا سألتم الله فسلوه الفردوس
وهى أعلى درجات الجنة
فعلى الانسان أن يعلو من طموحاته حتى تعلو همته
جزاك الله خيراً أختى الحبيبة
وسعيدة بزيارتى الأولى لكِ
:)
جميل الكلام اوى
احلى ما فيه انه طالع بعفوية شديدة
وفعلا كلامك صح اوى فى موضوع الطموح الكبير
:كما يقال
صوب الى النجم تصل الى الشجرة
ويارب دايما من نجاح الى اخر
(F)
واعتذر جدا على تأخرى الغير مبرر على الرد ، تبريره فقط هو الكسل
عذرا
:)
السلام عليكم
موضوع جميل قوى ياجهاد
فعلا لازم هدف وطموح
يبقى محدد علشان يبقى فى خطوات للوصول ليه
والانسان من غير الهدف دا بيكون تايه جدا مش عارف هو بيعمل ايه وبيعمله ليه
ومهما كان الهدف دا صعب طالما هدف سامى ومش بيغضب ربنا ومش بيضر حد
يبقى ما فيش حاجة اسمها صعب
ويارب تحققى كل طموحاتك يارب
معلش بقى على التاخير دا
اشوفك بين حروفك
سلاااااااااااام
أمة الله
اهلا بيكى فى المدونه زيارتك نورتها :)
صدق رسول الله ...عليه افضل الصلاة والسلام
لان الانسان بالطموح هيكون عنده اهداف وامل ان هو يحققها ويحس ان ليه غايه من الدنيا وانه عايش فيها وعند تحقيق طموحاته هيكون سعيد جدا ويكتثب ثقته بنفسه وفخرا بها
جزاكى كل الخير على التعليق المفيد اتمنى دائما الزياره
منتظراكى :)
معاذ
اهلا اهلا :) ايه النور ده ؟؟
حكاية عفويه دى هو لازم يطلع بعفويه لان المدونه دى الواحد لازم يكتب فيها بطبيعته علشان يستفاد كتير من تعليقات الناس وكمان تكون المواضيع صادقه وصريحه مش متكلفه
بس انا اول مره اعرف المقوله دى بس جميله
صوب الى النجم تصل الى الشجره ...فعلا
لما كنت فى الكليه كانوا دايما يقولوا ماتقولوش يارب ننجح او نعدى لكن تقولى نجيب تقدير عالى علشان نجيب فعلا تقدير
اكيد طبعا انت عارف المواضيع دى وبتسمعها يعنى :))
وانا قبلت الاعتذار ...بس مش كل مره :)
تحياتى لك
وعليكم السلام ورحمة الله وبركاته
محمد
اجمل تحيه اللى ابتديت بيها ( السلام عليكم )
طبعا يامحمد كلامك صح وبالذات ان الواحد من غير هدف بيكون تايه ومش عارف بيعمل كده ليه وعلشان ايه
احساس سئ جدا لما يكون الواحد تايه عن نفسه ومش لاقيها بيخسر كتير ..جزء من عمره وبيخسر فرص كبيره ممكن تغير حياته كلها
لما الهدف يكون مش بيغضب ربنا وسامى ومش بيضر حد بيبقى هدف جميل يستحق الواحد يتعب علشان يوصله وياسلام لما يكون الهدف ده هيعود بخير على الناس بيبقى احساس جميل كفايه الثواب اللى هيخده ورضا ربنا عنه وانك واثق ان ربنا معاك فى تحقيق الهدف وفى عونك
وفى الحاله دى الصعب بيكون سهل لان ربنا بيكون فى عونك
الله احساس تحفه
بس النقطه الاهم يامحمد ان يكون الهدف فعلا واضح وصريح ويكون فى اصرار وعزم وصبر على تحقيقه
ويااااااااارب تحقق كل طموحاتك مهما كانت صعبه ومش مشكله التاخير المره دى ...لكن المره اللى جايه مش هقبلها :)
منتظرين مواضيع جديده لك
سلام
Post a Comment