Friday, June 20, 2008

البرود


البرود ده بقت حاله عامه بشوفها فى اغلب سلوكيات الناس فى كل مكان فى الشغل والدنيا لدرجة ان الموضوع ده استفزنى علشان اكتب عنه نفسى الناس تحس ويبقى عندها دم وتبطل تناحه بقى ....ده ماكانش اسلوب كلامى اللى بكتب بيه بس لما حد يحس بالبرود واللامبالاه من مشاعر اغلب الناس اللى حواليه وطريقة تفكيرهم وتصرفاتهم فى كل المواقف يبقى لازم يكون ده اسلوب الكلام ....وكفايه الكلام ده علشان لو كتبت اكتر من كده هغلط اوى من كتر اللى بشوفه ...كفايه ان اوجه رساله للناس دى انهم يخلوا عندهم دم شويه علشان يرحموا الناس اللى بتحس وعندها دم وحراااااااااااااااااااااااااااااااااام
بس كده كفايه

5 comments:

Mo3Az said...

:)
غريبه
مع ان الجو حر اليومين دول :D

معاكى حق
البرود الحسى
والبرود العاطفى
من اسوأ الامراض
ومالهومش دوا شرب ولا حتى اقراص
على الاقل الانفلونزا لها دوا وبتقعد شوية وتروح
:)

طيب
المفروض بأه اننا نستنى البوست الجاى كمان 3 شهور ولا ايه
ما خلاص اتعودنا على كدة
:D

حبيبة الرحمن said...

معاذ

بجد شكرا انك اول من يعلق على معظم المواضيع ...بجد منورنى ومنور المدونه كلها

هههههههههه عادى البرود ده بتبقى احيانا صفه دايمه عند بعض الاشخاص سواء صيف او شتاء لدرجة انهم ممكن مايحسوش بالحر

ياريت كان يبقى ليها دواء بس بجد حراااااام اللى بشوفه واللامبالاه والله انا خلاص من كتر مابقيت مش قادره استحمل كتبت الكلام ده

والله يامعاذ انا حالتى النفسيه اليومين دول مش كويسه خاااالص من رايى مااكتبش فى الحاله دى لان الناس مالهاش ذنب تقرا الخنقه دى

بس ماتقلقش ممكن مااقدرش اسكت اكتر من كده وتلاقينى كتبت تانى


هعمل ايه بس ماهو اللى بقدر انفس فيه هنا فى المدونه بس .... لان المفروض احترم الناس رغم اللى بيضايقنى منهم

توكلت على الرحمن :)

Blank-Socrate said...

و انا بيصبنى البرود الانسانى لما اصحابى مبسألوش عليا

Shreef said...

اتفق معاكي في الشعور

لكن يمكن اختلف معاكي بالتسمية

يمكن انتي بتسميها برود

و انا افضل اسميها فتور

فتور بالمشاعر عموما بين الناس

يمكن المصطلحين ميفرقوش كتير عن بعض بس يمكن البرود صفة ممكن تتعلق بالاشخاص نفسهم انما الفتور متعلق بالعلاقات اللي بين الاشخاص دول

عموما مش هتفرق كتير
تعددت الاسباب و الموت واحد
او بمعنى اصح تعددت المسميات و الشعور واحد

تحياتي

:)

Shreef said...

يا بلانك سقراط

اهنيك

اصبت كبد و كلاوي الحقيقة

و يا كيتي الكلمة اللي كتباها في كلمة تعبر عني ديه بتاعه مطاوع مشكلة و مشكلة كبيرة اوي كمان فجأة حسيت ان كله مرتبط ببعضه الكلمة ديه مع البوست ده مع تعليق بلانك و كله بيكون الصورة اللي اصبح من السهل رؤيتها دلوقتي

الكلمة بتاعة مطاوع ديه اجبرتني اني اخد بالي من حاجة كنت بتجاهلها فترة كبيرة لكن يبدو انها فرضت نفسها عليا و على الناس كلها من غير مناخد بالنا

الموضوع كبير

عموما

خلينا نشوف الدنيا ديه رايحة بينا على فين

سلام