Sunday, April 6, 2008
Subscribe to:
Post Comments (Atom)
About Me
- حبيبة الرحمن
- احساس زي فراشة بتطير احساس ارق حتي مالعصافير بيقول رافض امشي عليكي يا ارض حافضل طاير فالسما بالطول و العرض رافض اني الاقيلي حدود احساس ببراءة طفل مولود نازل بيصرخ يا دنيا انا موجود احساس بيقول لكل البشر و الناس شكّلوا قلبكم بدل الفحم بالماس آااااااااه بس ده مجرد.......احساس
لا اله الا هو ...له الاسماء الحسنى
الى أغلى أم.....أمى
يارب تدخلى اعلى جنه وجميع امهات المسلمين ويخليكى ليا
إهداء إلى أبى
انا وانت ولا حد تالتنا انا وانت وبس
بعشق البحر و بعشق السما
شمعه تنور ليالينا
A Lot Of Thanks For My Visitors
8 comments:
:)
كانت حياه جميلة فعلا
كل اللى شاغلنا هو اللعبه
بس الغريب باه اننا واحنا صغيرين كان نفسنا نكبر فى اسرع وقت ونحقد على الكبار انهم بيعملوا حاجات احنا مش عارفين نعملها لان الرد الطبيعى يكون :
"لما تكبر هاتعرف "
"لما تكبر هاتعمل"
ولكن لما نكبر نتمنى نرجع صغيرين تانى
سبحان الله
:D
اعتقد ان دا سببه انك تعبتى من الشغل باين ولا ايه ، مش عارف
بس هى دى سنه الحياه
تحياتى
(F)
معاذ :)
كالعاده منور ونورك غطا على كهربة المدونات كلها
كانت حياه الواحد مستريح فيها مهما كان بيفكر فكانت افكاره صغيره وبريئه وكل حاجه بنحس بطعمها بجد
فى الوقت ده كانوا شايلين همنا مش احنا اللى شايلينه بنفسنا
هههههههههههههههه...حلوه اوى نحقد على الكبار دى
عامة انا الحمد لله ماكنتش بحقد على حد كنت فى حالى وفى لعبتى.. مركزه يعنى ...مش بحقد :d
فعلا دى حقيقه يامعاذ لما الواحد صغير عايز يكبر ولما يبقى كبير عايز يصغر ..سبحان الله
مفروض نستمتع بكل لحظه من وقتنا ونعيش سننا
والله يامعاذ بالعكس ده الشغل نعمه من عند ربنا ده هو اللى بيهون على الواحد ..اللى تعبت منهم الناس نفسها اللى بشوفها فى الحياه عامة ..بيصعبوا عليا جدا لمابفكر فى همومهم وبحط نفسى مكانهم
ربنا يكون فى عون الجميع ويوفق الجميع ويهون عليهم همومهم لان الحياه بقت فعلا صعبه فى الظروف اللى بنمر بيها
هههههههههههههه ومعلش على الاطاله بقى فى الرد ده مش رد... ده بوست لوحده :)
تحياتى لك:)
تفتكري يا كيتي ؟؟
يعني ساعات كتير فعلا الواحد بيتمنى ان هوا يكون بسن صغير مسؤلياته محدودة جدا و يدوب ممكن يكون فعلا اكبر همه مجرد لعبة او اي حاجة بسيطة لكن بردو ساعات الواحد بيكون سعيد ان هوا شخص كبير لانه ادرك حاجات كتير جدا
يمكن تمنينا ان احنا نرجع صغيرين تاني جاي من تعبنا من المسؤليات اللي بتلقى علينا بسبب تقدمنا في السن لكن لازم نعرف ان مهما هنعمل لازم نكبر لان الحياة كدا و في نفس الوقت مننساش الطفل البسيط اللي جوا كل واحد مننا اللي بالفعل امانيه في الحياة بسيطة جدا و اشباعها سهل جدا
كانت في مقولة لذيذة جدا عن الحوار ده عجبتني جدا بس مش في متناول ايديا دلوقتي هحاول الاقيها
عموما تحياتي لكيتي و للاغنية الفظيعة اللي موجودة ديه و اللي معرفش انتوا بتقفشوا الحاجات ديه فين
يلا ما علينا
سلام
السلام عليكم
اولا اعتزار رسمى موجه لسيادتكم عن تاخر حضرتنا الموقع اعلاه:)
جميله الصور اوى ياجهاد
بس الحياه مراحل كل مرحله ليها همومها ومشاغلها
يعنى حتى وقت الطفوله دا لما كان فعلا الواحد اكبر همه لعبته كانت اللعبه دى بالنسباله هم كبير فعلا
وبيفكر فيها كتير كأن سعادته مرتبطه بيها
دلوقت بقى فيه هموم تانيه ممكن نكون شايفنها اكبر كتير من مجرد التفكير فى لعبه وان الهموم دى لو اتشالت واتحققت الامانى بردة هتكون السعادة
الوقت بتاع الطفوله كنا شايفين اللعبه اكبر حاجة وهيا اللى بتحقق السعادة ودلوقت بنشوف حاجات تانيه كبيرة وهي اللى بتحقق السعادة يعنى كل الموضوع ربط حاجات بالسعادة اللى هتترتب عليها
المشكله بقى ان هل لو الطفل دا حقق هدفه وحصل على لعبته دى هتتحقق سعادته ولا هيزهق منها ولا هيلاقيها مش بالطريقه اللى كان شايفها بيها وهيا مش معاه
ياترى لو الانسان دلوقت تغلب على همومه وحصل على اماله هتكون الامال دى هيا السعادة بالنسباله ولا مش هيلاقى فيها سعادته برضه ويستمر فى البحث عن السعادة دى
موضوع محير فى رايى ليه حل واحد
ربنا هو اللى بيعرف الانسان اكتر من نفسه وهو اللى يقدر يحقق سعاده الانسان دا وهو اللى شايف الصح والسعادة فين
الحل ارضاء ربنا ودعاؤه لعمل ما فيه الخير وما فيه السعادة الحقيقيه
واليقين بان اللى يحصل بعد الدعاء والرضى هو دا الافضل ومن هنا هيا السعادة ومن هنا هيا راحه الطفل وراحة الشاب وراحة العجوز اللى بيختلف مفهوم السعادة بالنسبالهم
اسف جدا طولت اووووووووووى
بس مكنتش اقصد بجد جيت اكتب لقيت اتكتب كتير
يارب يرزقك السعادة والرضى واليقين امييييييييييييييين
اشوفك بين حروفك
واسف تانى
سلاااااااااااااام
شريف
ما هى دى النقطه ياشريف ان بيكون الشخص وهو كبير ادرك حاجات كتير
لازم نكبر لان الحياة كدا و في نفس الوقت مننساش الطفل البسيط اللي جوا كل واحد مننا اللي بالفعل امانيه في الحياة بسيطة جدا و اشباعها سهل جدا
بجد الجملتين دول ياشريف حلوين جدا
ان الحياه كدا.. لازم نكبر لان دى سنة الحياه
وفى نفس الوقت ماننساش الطفل اللى جوا كل واحد فينا :)
انا مستنيه المقوله :)
هى فعلا الاغنيه جميله جدا والحاجات دى موجوده عادى بس اللى بيسمعها بقى :)
تحياتى لك
طفلتى الصغيرة مفتقدك
محمد
وعليكم السلام ورحمة الله وبركاته
فعلا يامحمد انت وصلت لاهم حاجه الرضا فى كل وقت وفى اى سن
وطول زى ماانت عايز دى مدونتك يامحمد :)
ولا يهمك يامحمدوانا اللى بعتذر عن التاخييير فى الرد
ربنا يرزقنا الرضا جميعا والسعاده والتوفيق فى حياتنا
سلام :)
بلانك سقراط
منور المدونه بعد طول غياب
تحياتى :)
Post a Comment